Seignor, saichiés

Informations diverses Paroles : Thibaut de Champagne Musique : Traditionnel Interprètes : Oliphant Origine : Ile de France Danse : Mp3 :

Paroles

Seignor, saichiés qui or ne s’en ira
En cele terre ou Deus fu mors et vis
Et qui la crois d’outremer ne penra
A paines mais ira en paradis.
Qui a en soi pitié ne ramembrance
Au haut Seignor doit querre sa venjance
Et delivrer sa terre et son pais.

Tuit li mauvés demorront par deça,
Qui n’aiment Dieu, bien ne honor ne pris
Et chascuns dit: «Ma fame que fera?
Je ne lairoie a nul fuer mes amis.»
Cii sont cheoit en trop foie atendance,
Qu’il n’est amis fors que cil, sanz doutance
Qui por nos fu en la vraie crois mis.

Or s’en iront cil vaillant bacheler
Qui aiment Dieu et l’eunor de cest mont,
Qui sagement vuelent a Dieu aler;
Et li morveux, li cendreux demorront;
Avugle sunt, de ce ne dout je mie.
Qui un secors ne fait Dieu en sa vie
Et por Si pou pert la gloire dou mont.

Dieus se lessa en crois por nos pener
Et nos dira au jor que tuit vendront:
«Vos qui ma crois m’aidastes a porter
Vos en irez la ou mi angle sont;
La me verrez et ma mere Marie.
Et vos par cuije n’oi onques aïe
Descendrés tuit en enfer le parfont.»

Chascuns cuide demorer toz haitiez
Et que jamés ne doie mal avoir;
Ainsi les tient Anemis et pechiez
Que il n’ont sen, hardement ne pooir.
Biaus sire Dieus, ostés leur tel pensee
Et nos metez en la vostre contree
Si saintement que vos puissons veoir!
Douce dame, roïne coronee,
Proiez por nos, virge bien aüree!
Et puis aprés ne nos puet mescheoir

Source

Chanson notée dans six manuscrits dont le Chansonnier du Roi (BNF ms fr 844) et le Chansonnier de Noailles (BNF ms fr 12615).

Commentaires

Chanson de croisade de Thibaut, Comte de Champagne, Roi de Navarre (1201 - 1253). Ce grand seigneur a joué un rôle de premier plan dans son époque et a créé plus de 70 chansons.