Revelhet de la bèla endormida
Informations diverses
 |
-Revelhatz-vos, bèla endormida,
Revelhatz-vos, que va far jorn!
Metètz lo cap a la fenèstra
Qu'entendretz lèu parlar d'amor!
-Ieu dòrme pas que totjorn velhe,
Tota la nuèch pense qu'a vos,
N'ai l'esperit que ne somelha,
Mon bèl galant maridèm-nos!
-Quantes de còps davant ta pòrta
Bèla n'ai ieu, passat la nuèch,
Èras alai, com'une mòrta
Plan repausada dins ton lièch!
Bènlèu la bèla es adormida
En tressoscant a son galant?
Son amorós alai relira
Los uèls lusents, lo cur polsant!
Car la colceda èra de salvia
E lo coissin de romanin,
Mai los lençòls de roèsa blanca,
Lo cobricèl de flor de lin!
Se las estèlas son brilhantas
E lo solelh pus esclairant,
Los polits uèls de ma galanta
Son mai encara esbelugants!
Escote aval una cabreta
Ausisse aicí lo virolon,
S'entend la votz de ma mestressa
Que reclanís dins lo valon!
-Cantatz aucèls dins lo boscatge,
Cantatz la nuèch, coma lo jorn!
Mon cur es pres, mai d'avantatge,
Me plange pas de mas amors!
Mas lo matin quand la rosada
Molha de plors, la flor dels camps,
Lo rossinhòl fasiá l'aubada
E lo cocut traisiá son cant!
-Paubre joinòme siás a plànger,
Tu fas la cort, pèrdes ton temps!
Tu fas la cort amb una femna
Que de galant cambia sobent!
A tres galants davant sa pòrta
Devàs onze oras, mièja-nuèch,
Atal espèran de la sòrta
Qu'anaráun jaire dins son lièch!
-Cantatz aucèls dins lo folhatge,
Piula cocut, soi plan falord!
La bèla a ben lo cur volatge
Mas ieu li garde mon amor!
Comentaires
Réveillez-vous, belle endormie existe aussi au nord de la Loire.
Source
Recueilli par Zefir Bòsc. Dans le Cançonièr de la ribièra d'olt de Zefir Bòsc 1995 P. 40
