Filhas que sètz a maridar

Informations diverses Paroles : Musique : Traditionnel Interprètes : Origine : Danse : Mp3 : Par La Meute Rieuse

Filha que sètz a maridar
S'avètz d'argent, gardatz lo plan !
Siètz pas tant cap levadas
Que lo vos faràn acatar
Quand seretz maridadas !

Quand seretz per vos maridar
Que lo pressar vos tengue pas
Siaguetz plan malfisentas,
E digètz pas totjorn: "òc ben"
Coma un tròç d'innocentas !

Quand maridada ne saretz.
Un pauc de milhor temps auretz
Un pauc, mas non pas gaire !
Vòstre marit serà jalós,
Emai un pauc renaire

Se volètz anar permenar,
Enluòc vos daissarà anar
Qu'en çò de vòstra maire,
Amai encara vos dirà :
Li demores pas gaire !

Al cap de nòu meses, un an,
Auretz una filha o un enfant
L'enfant serà ploraire
Tota la nèit caldrà breçar
Non dormiretz pas gaire !

Auretz lo cotilhons pissós
Auretz lo devantal crassós
Seretz las mal-cofadas
Maudiretz l'ora emai lo jorn
Que vos sètz maridadas !

Source

Anthologie de la chanson occitane de Cécile Marie, 1975, page 160 (ISBN 270680601X).