Lo companhon de l'Avairon

Aici la vida es plan tranquila, per de que quitas ton chantièr ? (bis)
Me'n cal anar de vila en vila, me rafinar dins lo mestièr.

Te cal d'argent per lo voiatge, tant de camin te costarà ! (bis)
Vau a pè pòrti mon bagatge, e mon mestièr me noirirà.

Tot coratjós, per tant que siagas, rencontraràs mai d'un dangièr (bis)
Ai un pistolet dins las bragas, e mon baston de codonhièr

Pendant l'ivèrn, pendent l'auratge, regretaràs ton Avairon ! (bis)
Mos fraires de companhonatge, m'aculhiran dins lor foairon.

E la Ròsa que tant t'agrada, s'anava trobar lo temps long ? (bis)
A mon retorn s'es maridada, me'n tornarai pel camin grand.

Te tendriam pas quand sièssem mila ! Adieu pensa a ton vièlh cloquièr, (bis)
Adieu ! me'n vau de vila en vila, me rafinar dins lo mestièr.