Pastres pastressas
Informations diverses
 |
Pastres pastressas,
Corrètz venètz tots, pecaire !
Pastres pastressas,
Corrètz venètz tots!
Vòstra Mestressa
A besonh de vos, pecaire
Vòstra Mestressa
A besonh de vos !
A la borgàda,
Pres de Bètélem, pecaire !
A la borgàda,
Pres de Bètélem.
S'es acochada,
Sus un pauc de fen, pecaire !
S'es acochada,
Sus un pauc de fen.
Dins un estable
Tot arroïnat, pecaire !
Dins un estable
Tot arroïnat.
L'enfant aimable,
De matin es nat, pecaire !
L'enfant aimable,
De matin es nat, pecaire !
Aquèu bel ange,
Au gròs de l'ivèrn, pecaire !
Aquèu bel ange,
Au gròs de l'ivèrn.
Fauta de lange,
es tot descubert, pecaire !
Fauta de lange,
es tot descubert.
La vierge Maire,
Contempla son frut, pecaire !
La vierge Maire,
Contempla son frut.
Sap pas que faire,
Quand lo vei tot nud, pecaire !
Sap pas que faire,
Quand lo vei tot nud.
Lo pichòt plora,
Vos fariá pietat, pecaire !
Lo pichòt plora,
Vos fariá pietat.
I a mai d'una ora,
Que non a tetat, pecaire !
I a mai d'una ora,
Que non a tetat.
Nòstras pastressas
Bolègan las mans, pecaire !
Nòstras pastressas
Bolègan las mans.
E fan caressas,
A' n aquel enfant, pecaire
E fan caressas,
A' n aquel enfant.
Cèrcan de palha
A l'entorn dau luòc, pecaire !
Cèrcan de palha
A l'entorn dau luòc
E de buscalha,
Per faire de fiòc, pecaire !
E de buscalha,
Per faire de fiòc.
Una lo muda,
L'autra lo sosten, pecaire !
Una lo muda,
L'autra lo sosten.
Un pauc d'ajuda,
Fa totjorn grand ben, pecaire !
Un pauc d'ajuda,
Fa totjorn grand ben.
Source
Anthologie de la chanson occitane de Céline Marie, 1975, page 37 (ISBN 270680601X).
