Se sabiatz, ma maire

Se sabiatz, ma maire,
Que m'es arribat:
En passant la planca
Mon pèd a lispat! (lisat)
Soi tombada a l'aiga
E sans un garçon,
Auriái per mon anma,
Perdut la rason!

Veniá de la caça
Ambe son fisilh
E per ieu tirava
Un brave conilh!
Mas çò que tirava
N'èra pas de plomb!
N'èra bala fina
Per mos cotilhons!

Se sabiatz, ma paire,
De que m'a tal fach,
Soslevèt ma rauba
Per me far secar!
I passèt la pauta,
Apuèi sabe pas
ço que me sovene,
N'ai dempuèi soscat! (somiat)

Se sabiatz ma maire,
Que m'es arribat,
Al fons del miu ventre
Un rat i es passat!
N'aviá la coa longa
E lo cap pialat,
N'aviá demostachas
Coma un vièlh soldat!

Se sabiatz costiassa!
De que t'a tal fach:
T'a pres ton joinatge
L'a dessanflorat!
Ara paubra piòta
Te caldrà 'sperar
E saupre filhòta,
Se vòl t'esposar!

Passava un caçaire
Tot lo lòng del riu
Tirèt pas la lèvre,
Tirèt la Marion!
ço que ne fusava
N'èra pas de plomb!
N'èra mercandisa
Qu'aimèt la Marion!